#ikasleak

Joan den ostiralean izan zen finala Donostian.

Maman Aicha Kane eta Egoiz Icobalcetak IV. Filosofia olinpiadak irabazi dituzte. Finalera ikastolako bost ikasle sailkatu ondoren, argazkigintza modalitatean lehenengo eta bigarren postuak lortu dituzte Maman eta Egoitzek, hurrenez hurren.

Orientazio saioak izan zituzten batxilergoko ikasleek.

Atzo ikasle ohien bisita izan genuen Ikastolan. Maixa, Udane, Eneko, Maddi, Oihane, Mikel, Gorka, Ander, Beñat eta Markel gurera hurbildu ziren, euren esperientzia pertsonal eta akademikoak batxilergoko bigarren mailako ikasleekin partekatzera. Gizarte zientzietako, osasun zientzietako eta ingeniaritza ezberdinetako bizipenak jaso genituen beraiengandik.

Lurgaia fundazioarekin elkarlanean.

Joan den asteazkenean Eko-eragileak Ibarrurin izan ziren Lurgaia fundazioarekin baso natural bat berreskuratzeko lanetan laguntzen. Fundazioak 110 hektarea landatu ditu dagoeneko bolondresen laguntzarekin.

Erronka egin dute 1. batxilergoan

Batxilergoko lehen mailako Marrazketa Teknikoa I eta Industria Teknologia I ikasgaiak uztartuz, Teknologiatik eskura erronka burutu dute. Lehen eta bigarren ebaluazioen artean gauzatutako etapetan, ikastolako langileen beharrizan batetik abiatuz, beharrizan horri erantzuteko produktu baten ekoizpen integrala gauzatu dute, horretarako prozesu teknologikoaren fase guztiak igaroz.

Orintazio saioak 2. Batxilergoan

Joan den ostegunean, bisita berezi bat izan genuen Ikastolan. Orientazioarekin loturiko ekintzen barruan, ikasle ohiak hurbildu ziren gurera, batxilergoko 2. mailako ikasleekin, euren esperientzia pertsonal eta akademikoak partekatzera. Ekimen interesgarri eta oso ondo baloratua izan zen.

Eskerrik asko!

Eko-eragileek antolatu dute aste honetarako.

Urtero egiten duten eran, eguberriak hurbiltzen ari diren honetan bigarren eskuko azoka antolatu dute Eko-eragileek aste honetarako. Gaurtik hasita ostiralera arte, atsedenaldi eta bazkalosteko tarteetan irekiko dituzte azokako ateak, 1.7 gelan.

Aurten nobedadeekin datozela aurreratu digute, beraz, animatu eta pasatu zaitezte bertatik!

Azaroaren 25a Ibaizabal ikastolan.

Hainbat astez antolaketa lanetan ibili ondoren azaroaren 25erako egitarau osotu bat plazaratu zuen hartarako Ibaizabalen bildutako asanbladak, Ikama eta Itaia antolakundeen ekarpenak gehituaz.