Azaroaren 16an eta 17an 27. Jardunaldi Pedagogikoak egingo ditu Ikastolen Elkarteak Irungo Ficoban. "Bazatoz?" izenburua eman diete Jardunaldiei, eta Ikastolen hezkuntza-marko orokorra azaltzea izango da helburua.

Ibaizabal Ikastolak bere hezkuntza-ikuspegia berritzen ari da uneotan, ikasleen irteera-profila eguneratuta, irailean Plan Estrategiko berria abiatuta, ikuspegi konpetentziala eta ebaluazio hezitzailea jorratzen, e.a. Ikastolen mugimenduaren dinamikotasunaren eta berrikuntza pedagogikoaren testuinguruan, beraz, izaera kooperatiboari buruz hitz egingo da Jardunaldietan, euskalduntasunari buruz, printzipio psikopedagogikoez, irakaskidetzaz, ebaluazioaz eta inklusioaz, besteak beste.

Bi eguneko lan-saioetan hartuko dute parte Ibaizabal Ikastolako ordezkariek.