Ibaizabal Ikastolak aterpetxe soziala du: eskualdeko gizarte-zerbitzu publikoekin lankidetzan, eskualdeko etxegabeei ostatua, mantenua eta higiene- nahiz garbiketa-zerbitzuak eskaintzen dizkiegu egunero-egunero Ibaizabalen bertan, Errota sekzioaren bitartez.
Aterpetxe sozialeko erabiltzaileen artean banatzeko, arropa biltzeko kanpaina egingo dugu.
Gizonezkoentzako arropa bildu nahi dugu. Emakumezkoen eta ume edo haurren arroparik ez dugu behar. Urte-sasoi eta mota guztietako arropa behar dugu. Osagarriak ere jasoko ditugu: oinetakoak, motxilak, poltsak, maletak...
Etxean erabiltzen ez dituzuenak, edo soberan dituzuenak, mesedez, Ikastolara ekarri eta idazkaritzan entregatu otsailaren 29ra arte. Esan bezala, jasotako guztia aterpetxe sozialean egoera zaurgarrian dauden erabiltzaileen artean banatuko dugu.
