Ibaizabal Ikastolako hezkuntza komunitatea auzolanean batu zen joan den otsailaren 24ean. Ekimen hau, garbiketa eta mantenu orokorra egiteko aprobetxatu zen.

Goizean goiz, guraso eta irakasleak  ikastolan bildu ziren lanari ekiteko asmoz.  Adiskidetasuna, lankidetza eta giro ona izan zer jardunaldi hau arrakastara eraman zuten funtsezko zutabeak.

Gure eskerrik beroenak eman nahi dizkiegu parte-hartzaile guztiei, haien dedikazio eta ahaleginik gabe ekitaldi hau ezinezkoa izango baitzen. Ikastola eraikin bat baino gehiago da; ikasteko eta hazteko etxea da, eta ekarpen bakoitzak balio du.