Azken urteetan bezala, atzo Garabideko lagunak izan genituen Ibaizabalen. Garabide elkarteak Hizkuntza Biziberritzeko Estrategiak Aditu Ikastaroa du martxan, eta hizkuntza berreskurapenaren inguruan lanean ari diren herri indigenetako erakundeak indartzera bideratuta dago.

Endika Blanco Bravo Garabideko teknikariarekin batera, Sandi Tun Itzá (Yukatango maia), Djeride Jean-Baptiste (Haitiko kreoleraduna) eta Komayari Asheninka (Asheninka) izan genituen gurean, eta haien hizkuntzen egoeraz, erronkez eta etorkizunaz jardun ginen. Solasaldi horren bitartez, elkarren esperientziak ezagutzeko aukera paregabea izan genuen, baita kontzientziatzeko ere. Beraz, eskerrik asko hizlariei, bihotz-bihotzez! Nib óolal! (maia)  Mèsi! (kreyòl) Pasòki! (asheninka)