Otsailaren 2an, Fisikako ikasleek Zamudioko Parke Teknologikoan dagoen FAAZ (Frabrikazio Aeronautiko Aurreratutako Zentroa) bisitatzeko aukera izan genuen. Irteera honen helburu nagusia gelan landutako printzipio teorikoak benetako ingurune industrial batean nola aplikatzen  diren ulertzea da.

FAAZ zentroa aeronautikaren arloko fabrikazio aurreratuan espezializatuta dago, eta bertan erabiltzen diren teknologiak puntakoak dira: material konposatuak, doitasun handiko mekanizazioa, automatizazioa eta kalitate-kontrol sistema sofistikatuak. Bisitan zehar, ingeniariek eta arduradunek azalpen zehatzak eman zizkiguten, prozesu bakoitzaren atzean dauden oinarri fisikoak nabarmenduz.

Ikasleontzat bereziki interesgarria izan zen mekanikaren, termodinamikaren eta materialen fisikaren aplikazio praktikoak zuzenean ikustea. Adibidez, indarren banaketa, tenperaturaren kontrola edo materialen erresistentzia bezalako kontzeptuak ez ziren teoria hutsean geratu, baizik eta hegazkinen piezen fabrikazioan funtsezkoak direla argi geratu zen.

Gainera, bisitak industriaren eta zientziaren arteko lotura estua erakutsi zigun. Klasean ikasitako formulak eta lege fisikoak ezinbesteko tresnak dira sektore aeronautikoan segurtasuna, eraginkortasuna eta berrikuntza bermatzeko. Horrek ikasleen motibazioa handitu zuen, fisikak etorkizun profesionaletan izan dezakeen garrantziaz jabetuz.

Zalantza barik esperientzia oso aberasgarria izan zen ikasleentzat. Teoria eta praktika uztartzeko aukera paregabea eskaini zigun, eta fisikaren ikaskuntza errealitate industrialarekin lotzeko balio izan zuen.