Eñaut Elorrieta musikari ezaguna Ibaizabal Ikastolako batxilergoko 2. mailako ikasleekin elkartu da. 2 saio egin ditu gure ikasleekin, talde txikitan. Saiotan bere ibilbide musikala kontatzeaz gain, abestiak konposatzeko prozeduraren inguruko azalpenak eman dizkigu eta baita hainbat abesti zuzenean interpretatu ere, ikasleekin batera kantatuz. Hain justu, saio hauek berarentzat ere "bereziak" izan direla aitortu du Ken Zazpi taldeko abeslari izandakoak, bere garaian Ibaizabal Ikastolan irakasle izan baitzen hainbat urtez.
"Musikariak Ikastetxeetan" programaren barruan, ikasturte honetan, aurretik, Tristtan Mourguy eta Olaia Inziarte izan ditugu Ibaizabalen. Luxua eta plazera formatu txikian eta horren gertuan musikari profesionalen jardunaz gozatzea!
