Durangaldeko lan-munduan euskararen erabilera bultzatzeko lanean diharduen taldea da LANDUE. Ibaizabal Ikastolak ere bat egiten du asmo horrekin eta, horregatik, esperientziak elkarbanatu eta lankidetza-aukerak jorratu nahian ari gara elkarrekin.

Maiatzaren 24an Durangoko Landako Elkartegian egin den LANDUE zerbitzuaren laugarren foroan hartu du parte Ibaizabalek. Eskualdeko enpresetan euskararen inguruan egiten diren praktika onak ezagutzeaz gain, Durangaldeko eremu sozioekonomikoan euskara areago txertatzeko zer egin beharko litzatekeen gogoeta egin dugu denon artean jardunaldi horietan.