Durangoko Tabira auzoan dago Ibaizabal Ikastola. San Pedro jaiak ospatzen dira Tabiran auzoan eta sona handikoak dira herrian. Ibaizabal Ikastolak 25 urte bete berri ditu eta jaietako txupinazoa jaurtitzeko ohorea eskaini dio Ibaizabali jai-batzordeak, Ikastola auzoan eragile garrantzitsutzat jotzearen adierazgarri.

25. promozioko ikasle eta auzotarra den Izar Zubiagak eta Eukene Barrenetxea artezkaritza-kide durangarrak irakurri zuten pregoia eta bota zuten jaiei hasiera emateko suziria. Eskerrik asko!