Maiatzaren 9an Ikastolen Elkarteak X sarea uztea erabaki zuen. Ibaizabal Ikastolan ere egina genuen hartarako gogoeta, eta, behin mugimenduak norabide hori hartuta, bertako kide izanik, bide hori berbera hartuko du gaur bertan Ibaizabal Ikastolak: X plataforman (lehen Twitter) izan duen presentzia bertan behera utziko du

Plataformaren bilakaera ez dator bat Ibaizabal Ikastolaren balio etiko eta demokratikoekin. Errespetuan eta egiazkotasunean oinarritutako komunikazioa garrantzitsua da Ibaizabal Ikastolarentzat; baita hizkuntza-aniztasunaren sustapena eta komunitatearen babesa ere; eta pribatutasuna eta datuen kudeaketa segurua bermatu behar dira. Eta hori ez du X sareak ahalbidetzen.

Gainerako ohiko gure kanaletan izango gaituzue: webgunea, sare sozialak... eta baita aurrez aurre ere!