Skip to main content

DUAL INTENTSIBOAREN HELBURUAK

a) Lanbide Heziketako ikasleen gaitasunak hobetzea, enpresako prestakuntza-orduak handituz

b) Enpleagarritasuna handitzea, lan.ingurunean esperientzia eta prestakuntza-maila handiagoa egiaztatzeko.

c) Enpresa eta erakunde parekatuei eredu Dual horretarako sarbidea erraztea.

HARTZAILEAK 

Honako baldintza hauek aldi berean betetzen dituzten ikasle guztiek parte hartu ahal izango dute:

a) LHko Sailburuordetzak baimendutako Euskal Autonomia Erkidegoko ikastetxeren batean matrikulatuta egotea.

b) Oinarrizko, erdi-mailako edo goi-mailako heziketa-zikloren batean (D graduan) edo espezializazio-ikastaroren batean (E graduan) matrikulatuta egotea.

c) Enpresa edo erakunde parekatuan lanean hasi zenetik 16 urte bete dituela egiaztatzea.

d) Aurretik prestakuntza dual intentsiboa egin ez izana prestakuntza-maila bereko eta produkzio-sektore bereko prestakuntzan.

EZAUGARRIAK

a) Oro har, 1. maila amaitu eta kurtso horretako prestakuntza-modulu guztiak gainditu ondoren egingo da. Aldi hauetan egin ahal izango da:

  • Ekainetik ekainera.

  • Uztailetik ekainera.

  • Irailetik ekainera.

  • Urritik ekainera.

b) Ikas-ekinezko prestakuntza-kontratu baten bidez edo beka-sistemaren bidez egin ahal izango da. Azkena 2028ko abenduaren 31ra arte egongo da indarrean, behin-behinekoz.

c) Erdi-mailako eta goi-mailako enpresako prestakuntzak eta espezializazio-kurtsoek prestakuntzaren iraupena %35 eta %50 bitarteko iraupena izango dute, eta lanbide-moduluen ikaskuntza-emaitzen %30 jasoko dute gutxienez.

  • Adibidez, erdi-mailako heziketa-ziklo batean (2.200 orduko iraupena).

    • Enpresako gehienezko orduak= 1.100 ordu (%50).

    • Enpresako gutxieneko orduak= 770 ordu (%35).

 IKASLEEN EBALUAZIOA

a) Ikasleen ebaluazioa jarraitua izango da, eta lanbide-moduluka egingo da.

b) Ebaluazio hori lanbide-heziketako ikastetxeko lanbide-moduluetako irakasleen ardura izango da, enpresako tutoreen ekarpenak eta bertan garatutako jarduerak kontuan hartuta.

c) Araubide intentsiboko prestakuntza dualean parte hartzen duten ikasleak IDEan bereizitako talde batean agertuko dira, eta bi deialdiak errespetatuz ebaluatuko dira, ekaina amaitu baino lehen.

d) Ikasleren batek ez badu gainditzen araubide trinkoko lanbide-heziketa duealeko planean jasotako lanbide-moduluren bat, lanbide-heziketako ikastetxe batean jarraituko du ohiko prestakuntza-programa, eta dagokion enpresan egin beharko du prestakuntza

INFORMAZIO GUZTIAN HEMEN!