Software askeko Sistema Eragilea informatika gelan.

Informazio eta Komunikazio Teknologiak I ikasgaian software askeko Sistema Eragilearekin ezagutu eta baliatzen ikasi dute ikasleek, baita informatikako ordenagailuetan instalatu ere, Windows-ekin batera.

Ibaizabal 18.04 Sistema Eragileak Luberri banaketan du oinarria. Luberri, ikasle eta irakasleek erabiltzeko asmoarekin diseinaturiko Ubunturen erremasterizazioa da, software askekoa izatearren Ibaizabal Ikastolara ekarri ahal izan duguna, bertako ezaugarri eta beharrizanetara egokitu ondoren.

IKT-ko ikasleek Live USBak prestatu, berauetatik Sistema Eragilea abiatu, disko gogorrean partizioak egin eta, azkenik, instalazioa gauzatzen ikasi dute era praktikoan. Hala, hemendik aurrera, hala nahi duenak eskura izango du software askeko Sistema Eragile hau ere informatika gelan nahi duenerako erabiltzeko.