Euskal Hezkuntza Sistema propiorako bidean

Gaur, Ibaizabal Ikastola bera eta zazpi lurraldeetako ikastolak euskal gizarteari mezu bateratua helarazteko elkartu gara, EAErako Hezkuntza Lege berria dela-eta. Euskal Hezkuntza-sistema propiorako bidean, eredu berri, desberdin eta eraldatzailea aldarrikatu dugu. Baina ez hori bakarrik, Ikastolok talde sendo bat garela ere erakutsi dugu gaur. Hezkuntza-eragile garen neurrian, gure ardura eta konpromisoa azaldu ditugu Lege berriak euskal herritar guztien beharrak ase ditzan, beti lankidetzarako bideak jorratuta.