HH2ko ZAINDU taldeak mezua helarazi nahi izan du.

Haur Hezkuntzako Goi Mailako Zikloko ikasleen azken proiektuak ezagutu ditugu asteotan, tartean Zaindu taldeak Garaitza elkartearekin burutu duena. Proiektuaren baitan erronka bat jarri zioten beraien buruari, eta horren harira ondorengo mezua zabaldu nahi izan dute:

Kaixo, HH2ko Zaindu taldea gara. Bada astebete "7 egun 100 euro" erronka aurkeztu genizuela. Haurtzaroan ematen diren sexu-abusuen inguruko sentsibilizazio ikastaroa ordaintzeko behar genuen dirua lortzea zen gure helburua.

Ba, hara, guretzako berri pozgarriarekin gatozkizue gaurkoan. Lortu dugu!

Eskerrik asko lagundu gaituzuen Durangoko merkatari eta ostalariei eta izenik eman ez duzuen baina lagundu gaituzuen guzti-guztiori.

Zuei esker lortu dugu!